Giovanni Domenico Montella: Judica me Domine

Ps. 42
 

JÚDICA ME, DEUS, et discérne causam meam de gente non sancta :
   ab hómine iníquo et dolóso érue me.
² Quia tu es, Deus, fortitúdo mea : quare me repulísti ?
   et quare tristis incédo, dum afflígit me inimícus ?
³ Emítte lucem tuam et veritátem tuam :
   ipsa me deduxérunt, et adduxérunt
   in montem sanctum tuum, et in tabernácula tua.
⁴ Et introíbo ad altáre Dei,
   ad Deum qui lætíficat juventútem meam.

   Confitébor tibi in cíthara, Deus, Deus meus.
⁵ Quare tristis es, ánima mea ?
   et quare contúrbas me ?
   Spera in Deo, quóniam adhuc confitébor illi,
   salutáre vultus mei, et Deus meus.