Quarto abeunte sæculo

Wußten Sie, daß der von LePenseur so hochgeschätzte Papst Leo XIII heute vor 125 Jahren dem 400-Jahres-Gedächtnis der Entdeckung Amerikas – und ausdrücklich auch dem Entdecker Christoph Columbus – eine »Epistola Apostolica« widmete? Eh voilà ... hier ist sie:

EPISTOLA

Sanctissimi Domini Nostri LEONE divina providentia Papæ XIII

ad Archiepiscopos et Episcopos ex Hispania, Italia et utraque America

DE CHRISTOPHORO COLUMBO

QUARTO ABEUNTE SÆCULO, postea quam homo Ligur ad ignotas trans Oceanum Atlanticum oras, Deo auspice, primus appulit, gestiunt homines et memoriam rei grata recordatione celebrare et auctorem extollere. Nec sane facile reperiatur, quæ permoveat animos studiaque inflammet, caussa ulla dignior. Res enim per se omnium est, quas ulla ætas unquam ab hominibus effectas vidit, maxima et pulcherrima : is vero qui fecit, pectoris ingeniique magnitudine post natos homines cum paucis comparandus. Ejus opera, ex inexplorato Oceani sinu alter emersit orbis : centena mortalium millia ex oblivione et tenebris in communem humani generis societatem restituta, ex fero cultu ad mansuetudinem atque humanitatem traducta; quodque est longe maximum, eorum communicatione bonorum, quæ Jesus Christus peperit, ad vitam sempiternam ab interitu revocata. — Europa quidem, subitæ rei novitate et miraculo tunc attonita, quid Columbo debeat, sensim postea cognovit, cum nimirum deductis in Americam coloniis, commeatu assiduo, mutatione officiorum, dandis accipiendisque mari rebus, ad naturæ cognitionem, ad communes copias, ad opes incredibilis est accessio facta, unaque simul Europaei nominis mire crevit auctoritas. — In hac igitur tam multiplici significatione honoris, atque in hoc velut concentu gratulantem, omnino silere non decet Ecclesiam, quippe quae more atque instituto suo, quidquid usquam honestum ac laudabile videatur, probat libens ac provehere nititur. Honores illa quidem singulares et maximos reservat præstantissimis in genere morum virtutibus, qua saluti æternæ animorum cohærent: non idcirco tamen spernit aut parvi æstimat ceterum genus: immo vero magna voluntate favere honoremque semper habere consuevit egregie de civili hominum conjunctione meritis atque immortalitatem apud posteros consecutis. Mirabilis enim Deus est maxime in sanctis suis: sed divinæ virtutis ejus in iis quoque apparent impressa vestigia, in quibus eluceat vis quædam animi ac mentis excellens, quia non aliunde in homines lumen ingenii atque excelsitas animi, nisi a parente et procreatore Deo proficiscuntur.

(Hier weiterlesen)

Auch dem wenig (oder auch gar nicht) Lateinkundigen sei empfohlen, die getragene Schönheit dieser Sprache ganz einfach durch lautes Lesen auf sich einwirken zu lassen! Wobei einem die englische Übersetzung, die der Vatikan bereitstellt, natürlich das Textverständnis der vom überaus gewandten Latinisten auf der Cathedra Petri schwungvoll komponierten Satzperioden deutlich erleichtert.

Vielleicht erfahren so auch Traditionsverächter einen kleinen Schimmer von der Schönheit unserer ererbten abendländischen Kultur, bevor sie — durch Talkshows, Dschungelcamp & Co. ruiniert — vor dem Ansturm unzivilisierter Horden aus dem Süden und Osten zusammenbricht ...